ეუთოს საპარლამენტო ასამბლეის პრეზიდენტი გიგი წერეთელი იტალიაში მთავრობის წევრებს შეხვდა
საქართველო, თბილისი - 11:17 | 18.09.2018 ნანახია: 591„ეუთოს სივრცეში მშვიდობის, სტაბილურობისა და უსაფრთხოების უზრუნველსაყოფად მნიშვნელოვანია ეუთოს ინსტრუმენტების გონივრული გამოყენება, რათა სახელმწიფოებს შორის ნდობა და თანამშრომლობის სურვილი განმტკიცდეს, - განაცხადა ეუთოს საპარლამენტო ასამბლეის პრეზიდენტმა, გიგი წერეთელმა იტალიის საგარეო საქმეთა მინისტრთან, ენცო მოავერო მილანესთან შეხვედრისას.
ეუთოს მოქმედი თავმჯდომარე ქვეყნის პირველ დიპლომატთან შეხვედრისას მხარეებმა ისეთი მნიშვნელოვანი საკითხები განიხილეს, როგორიცაა ეუთოსა და ეუთოს საპარლამენტო ასამბლეას შორის თანამშრომლობის სფეროები, კოორდინირებული მოქმედებები, საერთაშორისო სამდივნოებს შორის მჭიდრო კომუნიკაცია და მსოფლიოში არსებულ უსაფრთხოების გამოწვევების მიმართ ქმედითი მექანიზმების ამოქმედება.
„სახელმწიფოებს შორის დიალოგის წარმართვის კუთხით, ეუთო ინარჩუნებს პრივილეგირებული ინსტიტუტის მანდატს, რომელიც უსაფრთხოების უზრუნველსაყოფად ყოვლისმომცველი და მრავალმხრივი მიდგომების ფორმატს მოიცავს. რაც შეეხება ეუთოს საპარლამენტო ასამბლეას, იგი საპარლამენტო დიპლომატიის ერთ-ერთ წამყვან საერთაშორისო ფორუმია. თანამედროვე სამყაროს გამოწვევების ფონზე, როგორიცაა მიგრაცია, ტერორიზმი, უკრაინის კრიზისი, მთიანი ყარაბაღის კონფლიქტი, კიბერ საფრთხეები, ჰიბრიდული ომები, კორუფცია და ტრეფიკინგი იტალიის ხელმძღვანელობით ჩვენ შევძლებთ თანამშრომლობის გაძლიერებას და საერთო მიზნის მიღწევას", - განაცხადა გიგი წერეთელმა.
ოფიციალური შეხვედრების ფარგლებში, ეუთოს საპარლამენტო ასამბლეის პრეზიდენტი საქართველოს ოკუპირებულ ტერიტორიებზე არსებულ ვითარებას, საოკუპაციო რეჟიმის მიერ ადამიანის უფლებების დარღვევის ფაქტებს და იძულებით გადაადგილებულ პირთა საკუთარ საცხოვრებელ ადგილებში დაბრუნების თემას შეეხო. იტალიის აღმასრულებელი და საკანონმდებლო ხელისუფლების წარმომადგენლებთან შეხვედრისას გიგი წერეთელმა „ოთხოზორია-ტატუნაშვილის სიის" მნიშვნელობაზე ისაუბრა და დამნაშავეთა პასუხისგების მიცემის საკითხში იტალიის მხარდაჭერის იმედი გამოთქვა. შეხვედრებზე ქართველმა კანონმდებელმა ემიგრანტთა სტატუსის და სამუშაო კვოტების საკითხიც დააყენა.
რომში ვიზიტის ფარგლებში გიგი წერეთელი იტალიის სენატის პრეზიდენტს, ელიზაბეტა ალბერტი კაზელატს, სენატის ვიცე-პრეზიდენტს, პაოლა ტავერნას, დეპუტატთა პალატის პრეზიდენტს, რობერტო ფიკოს და სახელმწიფო მინისტრს ნიკოლა მონტელის შეხვდა. იტალიის საკანონმდებლო ორგანოში ვიზიტისას, ეუთოს საპარლამენტო ასამბლეის პრეზიდენტი სამთავრობო და ოპოზიციური ფრაქციების ლიდერებს შეხვდა და სენატის და დეპუტატთა პალატის საგარეო ურთიერთობათა გაერთიანებულ სხდომაზე სიტყვით გამოვიდა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა