სამთო-მაშველები ​მესტიაში, თეთნულდზე დაღუპული უკრაინელი ტურისტის ცხედრის ამოტანას ცდილობენ, – ამის შესახებ ინფორმაციას საგანგებო სიტუაციების მართვის სამსახური ავრცელებს.

მათივე ინფორმაციით, რთული მეტეოროლოგიური პირობების გამო, საგანგებო სიტუაციების მართვის სამსახურის სამთო-მაშველების და ვერტმფრენის შემთხვევის ადგილზე მისვლა ამ დრომდე ვერ ხერხდებოდა.

სამაშველო ოპერაციაში ჩართულია შსს-ს სასაზღვრო პოლიციის ვერტმფრენი.