კახა კახიშვილი მოლდოვის დელეგაციას შეხვდა
საქართველო, თბილისი - 16:44 | 02.12.2015 ნანახია: 1847სასჯელაღსრულებისა და პრობაციის მინისტრ კახა კახიშვილის პირადი მოწვევით სასჯელაღსრულებისა და პრობაციის სამინისტროს მოლდოვის რესპუბლიკის იუსტიციის სამინისტროს დელეგაცია ეწვია.
სამინისტროში გამართულ შეხვედრაზე კახა კახიშვილი სტუმრებს პენიტენციურ სისტემაში გატარებულ და მიმდინარე რეფორმებზე ესაუბრა. პენიტენციური და სამედიცინო დეპარტამენტების ხელმძღვანელებმა მოლდოვურ მხარეს პრეზენტაციები წარუდგინეს, სადაც გაწეულ სამუშაოსა და დაგეგმილ პროექტებზე დაწვრილებით ისაუბრეს.
სასჯელაღსრულებისა და პრობაციის მინისტრმა კახა კახიშვილმა მოლდოვის იუსტიციის მინისტრის პირველ მოადგილეს ედუარდ სერბენკოს მოლდოვა-საქართველოს შორის ორმხრივი მემორანდუმის გაფორმება შესთავაზა, რომლის ფარგლებშიც ქვეყნებს შორის თანამშრომლობა გაგრძელდება.
„დაახლოებით 2 თვის წინ ვიმყოფებოდი ოფიციალური ვიზიტით მოლდოვაში, სადაც იუსტიციის მინისტრს ვესაუბრე იმ რეფორმების შესახებ, რომელიც საქართველოში სასჯელაღსრულებისა და პრობაციის კუთხით განხორციელდა. საკითხს მოჰყვა დაინტერესება და ჩვენ შევთანხმდით, რომ მოლდოვის დელეგაცია საქართველოში ჩამოვიდოდა და უფრო დეტალურად გაეცნობოდა იმ რეფორმათა პაკეტს, რომელიც ჩვენ განვახორციელეთ. შევთანხმდით, რომ გაფორმდება ურთიერთთანამშრომლობის მემორანდუმი, რომლის საფუძველზეც, საერთაშორისო პარტნიორების დახმარებით ჩვენი თანამშრომლები ექსპერტების რანგში გაემგზავრებიან მოლდოვაში და იუსტიციის სამინისტროს იმ რეფორმების განხორციელებაში დაეხმარებიან, რომელიც საქართველოში წარმატებით განხორციელდა“ - განაცხადა კახა კახიშვილმა
მოლდოვის დელეგაციამ განსაკუთრებული ყურადღება რეფორმის დაგეგმვისა და მიმდინარეობისას არსებულ გამოწვევებზე, საკანონმდებლო ცვლილებებსა და მსჯავრდებულთა რეაბილიტაციაზე გაამახვილა. მათი განცხადებით, საქართველოს პენიტენციურ სისტემაში გატარებული რეფორმები შთამბეჭდავია და კურსი, რომელიც სასჯელაღსრულებისა და პრობაციის სამინისტროს აქვს არჩეული მათთვის მისაბაძია. ასევე, სურვილი გამოთქვეს კიდევ უფრო ღრმად გაეცნონ კონკრეტულ საკითხებს და ქართული მხარისგან რჩევები მიიღონ. ედუარდ სერბენკომ კახა კახიშვილი თანამშრომლებთან ერთად მოლდოვაში მიიწვია.
„ნამდვილად შთამბეჭდავია ის შედეგები, რაც პენიტენციურმა სისტემამ გატარებული რეფორმების შედეგად მიიღო, საქართველომ ძალიან მნიშვნელოვანი ნაბიჯები გადადგა წინ. ეს არის რეფორმები, რომლებიც დიდ დროს და ენერგიას საჭიროებს. მოხარულები ვართ, რომ ასეთი დეტალური და ჩვენთვის მნიშვნელოვანი ინფორმაცია მივიღეთ და ასევე მოხარულები ვიქნებით, თუ ჩვენი თანამშრომლობა სამომავლოდ გაგრძელდება. ჩვენთვის თქვენგან მიღებული რეკომენდაციები ძალიან მნიშნველოვანია, ისევე როგორც, თქვენი დახმარება და მხარდაჭერა“- განაცხადა ედუარდ სერბენკომ.
მოლდოვის დელეგაციის ვიზიტი 5 დეკემბრამდე გაგრძელდება და ვიზიტის ფარგლებში სტუმრები პენიტენციურ დაწესებულებებს, სასჯელაღსრულებისა და პრობაციის სასწავლო ცენტრს, პრობაციის ეროვნულ სააგენტოსა და ელექტრონული მონიტორინგის ცენტრს მოინახულებენ.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა