ირაკლი კობახიძე საქართველო-დიდი ბრიტანეთის საპარლამენტო მეგობრობის ჯგუფის ხელმძღვანელს შეხვდა
საქართველო, თბილისი - 13:00 | 25.05.2018 ნანახია: 827საქართველოს პარლამენტის თავმჯდომარე ირაკლი კობახიძემ დიდი ბრიტანეთის პარლამენტში საქართველოს საკითხებზე პარტიათაშორისი საპარლამენტო ჯგუფის ხელმძღვანელი, ჯონათან ჯანოგლი და დელეგაცია მიიღო. დელეგაცია საქართველოს პირველი რესპუბლიკის 100 წლისთავისადმი მიძღვნილ საზეიმო ღონისძიებებში მონაწილეობის მისაღებად ეწვია.
მხარეებმა ორმხრივი ურთიერთობები და თანამშრომლობის სხვადასხვა მიმართულებით გაღრმავების პერსპექტივები განიხილეს. საუბარი შეეხო საქართველოში განხორციელებულ დემოკრატიულ რეფორმებსა და ჩვენი ქვეყნის საგარეო პოლიტიკის პრიორიტეტებს.
როგორც შეხვედრის დასრულების შემდეგ საქართველოს პარლამენტის საგარეო ურთიერთობათა კომიტეტის თავმჯდომარე სოფიო ქაცარავამ განაცხადა, საქართველოს დიდი ბრიტანეთის მხრიდან სრული პოლიტიკური მხარდაჭერა აქვს.
„საქართველოს აქვს სრული პოლიტიკური მხარდაჭერა დიდი ბრიტანეთიდან. ჩვენ საუბარი გვქონდა ჩვენს საგარეო პოლიტიკასთან დაკავშირებით, ტერიტორიულ მთლიანობასთან და ქვეყანაში განხორციელებულ რეფორმებთან დაკავშირებით, ამ ყველაფერთან მიმართებაში, დიდი ბრიტანეთის მხრიდან გვაქვს ძალიან დიდი მხარდაჭერა. საპარლამენტო დიალოგი, რომელიც რეგულარული და ძალიან თანმიმდევრულია, დარწმუნებული ვარ, რომ კიდევ უფრო მეტად მრავალფეროვანს და საინტერესოს და ყოვლისმომცველს გახდის მომავალში",- განაცხადა სოფიო ქაცარავამ.
საქართველო-დიდი ბრიტანეთის საპარლამენტო მეგობრობის ჯგუფის ხელმძღვანელის, ჯონათან ჯანოგლის შეფასებით, საქართველოსა და დიდ ბრიტანეთს შორის ურთიერთობა კიდევ უფრო ღრმავდება.
"საქართველოს პარლამენტის თავმჯდომარესთან ძალიან საინტერესო შეხვედრა გვქონდა. ჩვენ საქართველოში პირველად, ორი წლის წინ, არჩევნების შემდეგ ჩამოვედით და ჩვენ ვიყავით პირველი ჯგუფი, რომელიც საქართველოს არჩევნების შემდეგ ეწვია. მოხარულები ვართ, რომ დავბრუნდით. ჩვენ ვნახეთ, როგორ განვითარდა საქართველო ბოლო ორი წლის განმავლობაში. ვნახეთ, როგორ მყარდება მტკიცე ურთიერთობა საქართველოსა და დიდ ბრიტანეთს შორის ბევრ სფეროში, მათ შორის, ვაჭრობის, განათლების, თავდაცვის მიმართულებით.
შეხვედრაზე ვისაუბრეთ იმ საერთო ღირებულებებზე, რომლებიც ჩვენს ქვეყნებს აკავშირებს ერთმანეთთან. მოველით, თქვენთან ერთად, საქართველოს დამოუკიდებლობის დღისა და პირველი კონსტიტუციის მიღებიდან 100 წლისთავის აღნიშვნას. ეს საქართველოსთვის ძალიან მნიშვნელოვანი თარიღია და ძალიან მოხარულები ვართ, რომ მას თქვენთან ერთად ვიზეიმებთ",- განაცხადა ჯონათან ჯანოგლიმ.
საქართველო-დიდი ბრიტანეთის საპარლამენტო მეგობრობის ჯგუფის დელეგაციის შემადგენლობაში დიდი ბრიტანეთის ლორდთა პალატის წევრები - ლორდი ფრანსის ნორსბრუქი და ლორდი ჯონ კილკლუნი და თემთა პალატის წევრი - გორდონ მარსდენი შედიან.
პოლიტიკა
- შენგენის ზონაში თუ გადავადგილდებით უვიზოდ, აშშ-ში რა პრობლემაა? ცალმხრივი გამიგია მიჯნურობა, პარტნიორობა და მეგობრობა არის ორმხრივი - ბექა ოდიშარია
- „ქართული ოცნება“ შიშითაა მოცული „ლელოს“ მიმართ, რადგან „ლელოს“ მზარდი რეიტინგი და პოპულარობა აქვს საქართველოში - დავით უსუფაშვილი
- ჩვენს ოკუპირებულ ტერიტორიებზე დამპყრობელმა უკვე მეხუთედ იყარა კენჭი, რომელს გეყოფათ გამბედაობა შეაფასოთ არის თუ არა ლეგიტიმური პუტინი, როგორც რუსეთის პრეზიდენტი? - ეკა ხერხეულიძე „ქართულ ოცნებას“
- იქნებ ვინმემ გვიპასუხოს, რატომ არის საქართველოში სურსათი უფრო ძვირი, ვიდრე მეზობელ ქვეყანაში?! - პაატა მანჯგალაძე „ქართულ ოცნებას“
საზოგადოება
- „მსოფლიო საფოსტო კავშირის“ (Universal Postal Union) წერილის წერის საერთაშორისო კონკურსი „საქართველოს ფოსტის“ ორგანიზებითა მიმდინარე წელს მეთერთმეტედ გაიმართება
- 15 მარტს დღის ბოლოდან 18 მარტამდე მოსალოდნელია დროგამოშვებით წვიმა, მაღალ მთაში მოთოვს
- „თეგეტა აკადემიამ“ ბათუმის წიგნისა და განათლების საერთაშორისო გამოფენაში მონაწილეობა მიიღო
- შესაძლოა, საბაკალავრო და სამაგისტრო პროგრამებზე სწავლება სრულად დისტანციური გახდეს
მსოფლიო
- ჩვენი გზავნილი ნათელია, აშშ არ დაუშვებს უკრაინის დამარცხებას - ლოიდ ოსტინი
- მოლდოვამ, დნესტრისპირეთში „არჩევნების“ ორგანიზების გამო, რუსი დიპლომატი ქვეყნიდან გააძევა
- ჩინეთის პრეზიდენტმა ვლადიმირ პუტინს არჩევნებში გამარჯვება მიულოცა
- ოდესაზე რუსი ოკუპანტების იერიშის შედეგად 14 ადამიანი დაიღუპა და 46 დაშავდა
კონფლიქტები
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
სპორტი
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა
- ლიონელ მესი ფიფამ წლის საუკეთესო ფეხბურთელად დაასახელა
- საქართველოს კალათბურთელთა ნაკრებმა მონტენეგრო დაამარცხა და თბილისის თასის გამარჯვებული გახდა
- რთულია, როცა ვხედავ ცრემლებს თქვენს თვალებზე და თქვენთვის ბედნიერება ვერ მომაქვს, ბოდიში და მადლობა…დავბრუნდებით უფრო ძლიერები - ხვიჩა კვარაცხელია