დიმიტრი ქუმსიშვილმა ელი კოენთან ეკონომიკური კავშირების განვითარების შესაძლებლობები განიხილა
საქართველო, თბილისი - 16:02 | 10.05.2018 ნანახია: 1155საქართველოში ვიზიტის ფარგლებში, ისრაელის ეკონომიკისა და ინდუსტრიის მინისტრმა ელი კოენმა პირველი შეხვედრა საქართველოს პირველ ვიცე-პრემიერთან, ეკონომიკისა და მდგრადი განვითარების მინისტრთან დიმიტრი ქუმსიშვილთან გამართა.
შეხვედრაზე მხარეებმა ისაუბრეს ორ ქვეყანას შორის სავაჭრო-ეკონომიკური ურთიერთობების გაღრმავებაზე, თანამშრომლობაზე ეკონომიკის სხვადასხვა სექტორებში, მათ შორის, სოფლის მეურნეობის, მაღალი ტექნოლოგიების, ტურიზმისა და სხვა მიმართულებით.
აღინიშნა, რომ საქართველოსა და ისრაელის ხალხს შორის მრავალსაუკუნოვანი მეგობრული ურთიერთობები არსებობს, რაც დადებითად არის ასახული საქართველოში ისრაელიდან ტურისტების რაოდენობის ყოველწლიური ზრდის დინამიკაზე. ამავე დროს, ისიც ითქვა, რომ ისრაელი კარგად იცნობს საქართველოს, როგორც სასიამოვნო დასვენებისა და მოგზაურობის ქვეყნად, მაგრამ აუცილებელია, მან ამ ქვეყნის მიმართ ინტერესი ეკონომიკის სხვა სექტორებში ინვესტირების კუთხითაც გამოხატოს.
შეხვედრაზე დადებითად შეფასდა ის ფაქტი, რომ ორ ქვეყანას შორის საინვესტიციო კავშირების შემდგომი განვითარებისა და ისრაელის ბიზნეს-წრეებში ცნობიერების ამაღლების მიზნით მიზანშეწონილობის კვლევა ჩატარდება და რაც ძალიან მნიშვნელოვანია, საქართველოს ამ ინიციატივას მხარს უჭერს ისრაელის ექსპორტის ინსტიტუტი.
ასევე აღინიშნა, რომ ქვეყნებს დიდ ძალისხმევას მიმართავენ ორ ქვეყანას შორის ვაჭრობის განვითარებაზე. დიმიტრი ქუმსიშვილისა და ელი კოენის პირველი შეხვედრისას, რომელიც 2018 წლის 26 მარტს ისრაელში ჩატარდა, მხარეები შეთანხმდნენ ორმხრივი ვაჭრობის სამიზნე მაჩვენებელზე - 1 მლრდ აშშ დოლარზე ხუთი წლის განმავლობაში. აღნიშნულ საკითხზე მხარეებმა დღესაც ისაუბრეს და განაცხადეს, რომ ვაჭრობის მოცულობის ზრდაზე პოზიტიური გავლენა ექნებოდა თავისუფალი ვაჭრობის რეჟიმის ამოქმედებას, რომლის მიზანშეწონილობის კვლევასაც დღეს, ელი კოენის ვიზიტის ფარგლებში, მოეწერა ხელი.
თანამშრომლობის მიმართულებებზე საუბრისას, მხარეებმა აგრეთვე გაამახვილეს ყურადღება სოფლის მეურნეობის სექტორზე. აღინიშნა, რომ გაღრმავდება თანამშრომლობა ამ კუთხით, მათ შორის, ისრაელიდან წარმატებული ფერმერული მეურნეობების საქართველოში ჩამოყვანისა და ქართველი კოლეგებისთვის გამოცდილების გაზიარების მიმართულებით. ასევე ყურადღება გამახვილდა თანამშრომლობის გაღრმავებაზე საინფორმაციო ტექნოლოგიების სექტორშიც. აღინიშნა, რომ მსოფლიოში, მათ შორის, ისრაელის ბიზნესშიც, დიდად არის განვითარებული ბიზნეს პროცესების OUTSOURCING, რისი ამოქმედების შესაძლებლობაც საქართველოშიცაა შესაძლებელი.
შეხვედრაზე ასევე ყურადღება გამახვილდა საქართველოს განვითარებაზე, როგორც რეგიონული მნიშვნელობის ჰაბის ეკონომიკის სხვადასხვა მიმართულებით.
შეხვედრას ასევე დაესწრნენ საქართველოს ელჩი ისრაელში პაატა კალანდაძე, ისრაელის ელჩი საქართველოში შაფთაი ცური და საპარტნიორო ფონდის აღმასრულებელი დირექტორი დავით საგანელიძე.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა