ტყიბულში მომხდარი ტრაგედიის გამო აზერბაიჯანის საგარეო საქმეთა სამინისტრო საქართველოს თანაგრძნობას უცხადებს

აზერბაიჯანის საგარეო საქმეთა სამინისტრო ტყიბულში მომხდარი ტრაგედიის გამო, საქართველოს თანაუგრძნობს.

„საქართველოში, მინდელის შახტში ინციდენტის გამო გულწრფელად თანავუგრძნობთ ოჯახებს, ასევე მეზობელი და მეგობარი ქვეყნის მთავრობას და ხალხს. ვუსურვებთ დაშავებულებს სწრაფ გამოჯანმრთელებას“, – წერია განცხადებაში.

ცნობისთვის, ტყიბულში, მინდელის სახელობის შახტში მომხდარ შემთხვევას ექვსი ადამიანი ემსხვერპლა, სამი კი, დაშავდა.