საქართველომ ნამდვილად გადადგა ნაბიჯი სრულფასოვანი საპარლამენტო დემოკრატიისკენ - თომას მარკერტი

საქართველო, თბილისი - 15:49 | 16.03.2018
ნანახია: 197

ძალიან მოხარული ვარ საკონსტიტუციო რეფორმასთან დაკავშირებით. ვფიქრობთ, რომ ახლა საქართველომ ნამდვილად გადადგა ნაბიჯი სრულფასოვანი საპარლამენტო დემოკრატიისკენ. თქვენ გაქვთ ძალიან კარგი კონსტიტუცია, რომელიც ეფუძნება ვენეციის კომისიასთან ძალიან კარგ თანამშრომლობას,- ამის შესახებ ვენეციის კომისიის მდივანმა, თომას მარკერტმა განაცხადა.

მან წუხილი გამოთქვა, რომ პროპორციულ საარჩევნო სისტემაზე გადასვლა 2020 წელს ვერ მოხდება.

„საქართველომ სრულფასოვანი საპარლამენტო სისტემად გარდაქმნა დაასრულა. ეს არის გრძელვადიანი საფუძველი დემოკრატიული განვითარებისთვის. როგორც იცით, ჩვენ ვწუხვართ, რომ პროპორციულ საარჩევნო სისტემაზე გადასვლა ვერ მოხდება 2020 წელს და მოხდება 2024 წელს. ეს იყო დაბრკოლება საზოგადოებასთან და ოპოზიციასთან კონსესუსის მისაღწევად. თუმცა, ჩვენ ძალიან კმაყოფილები ვართ ამ რეფორმის შედეგით",- განაცხადა თომას მარკერტმა.




არქივი

მოგვძებნე Facebook-ზე