ირაკლი კობახიძე ევა გოცირიძის ფიცის დადების ცერემონიალს დაესწრო
საქართველო, თბილისი - 18:15 | 12.01.2018 ნანახია: 1191„ჩვენ დარწმუნებულები ვართ, რომ ევა გოცირიძე სათანადოდ შეასრულებს თავის უფლებამოსილებას და ის ძალიან მნიშვნელოვან წვლილს შეიტანს საკონსტიტუციო სასამართლოს შემდგომ განვითარებაში საქართველოში",- ამის შესახებ საქართველოს პარლამენტის თავმჯდომარემ ბათუმში, საქართველოს საკონსტიტუციო სასამართლოს ახლად განწესებული მოსამართლის, ევა გოცირიძის ფიცის დადების ცერემონიალზე განაცხადა.
ირაკლი კობახიძემ ევა გოცირიძეს საკონსტიტუციო სასამართლოს მოსამართლის თანამდებობის დაკავება მიულოცა და განაცხადა, რომ მისი თეორიული და პრაქტიკული მუშაობის დიდი გამოცდილება იყო ის კრიტერიუმები, რომლის საფუძველზეც, საქართველოს პარლამენტმა მისი საკონსტიტუციო სასამართლოს მოსამართლედ არჩევის გადაწყვეტილება მიიღო.
როგორც სიტყვით გამოსვლისას საქართველოს პარლამენტის თავმჯდომარემ განაცხადა, საკონსტიტუციო სასამართლო საქართველოს კონსტიტუციის მთავარი გარანტია. მისი შეფასებით, საკონსტიტუციო სასამართლოს პრაქტიკა გასული ხუთი წლის განმავლობაში ფუნდამენტურად დაიხვეწა.
„ეს დაეტყო, სტატისტიკას, თავად საკონსტიტუციო სასამართლოს გადაწყვეტილებების ხარისხს და ეს არის ძალიან მნიშვნელოვანი რამ. ეს არის ძალიან კარგი ტენდენცია და ამ მიმართულებით უნდა გაგრძელდეს საკონსტიტუციო სასამართლოს საქმიანობა. საქართველოს პარლამენტი თავისი უფლებამოსილების ფარგლებში, ბუნებრივია, არის იმის გარანტი, რომ თითოეული კონსტიტუციური ორგანო ფუნქციონირებდეს საქართველოში თავისი კომპეტენციების შესაბამისად და სათანადოდ ასრულებდეს თავის ფუნქციებს",- განაცხადა ირაკლი კობახიძემ.
პარლამენტის თავმჯდომარის განცხადებით, საქართველოს საკონსტიტუციო სასამართლო მუშაობას უკვე კონსტიტუციის ახალი რედაქციის შესაბამისად დაიწყებს. ირაკლი კობახიძემ აღნიშნა, რომ ერთ-ერთი მთავარი ამოცანა იყო ისეთი ნორმების შემუშავება, რომლებიც საკონსტიტუციო სასამართლოს მუშაობას გაუადვილებდა.
„ჩვენი ერთ-ერთი მთავარი ამოცანა იყო დაგვეხვეწა ქვეყნის ძირითადი კანონი და შეგვემუშავებინა ისეთი ნორმები, რომლებიც გაუადვილებდა საკონსტიტუციო სასამართლოს მუშაობას. იყო მთელი რიგი ხარვეზები, მათ შორის კონსტიტუციის მეორე თავში, რომელიც არის მთავარი მასშტაბი, ასე ვთქვათ, საკონსტიტუციო სასამართლოსთვის, იყო სხვადასხვა ტიპის წინააღმდეგობები, ხშირად უწევდა ფართოდ ინტერპრეტირება საკონსტიტუციო სასამართლოს და ჩვენი მთავარი ამოცანა იყო კონსტიტუციის დახვეწა, განსაკუთრებით კონსტიტუციის მეორე თავის დახვეწა და მნიშვნელოვანია, რომ ჩვენ ეს ამოცანა სათანადოდ შევასრულეთ.",- განაცხადა ირაკლი კობახიძემ.
პარლამენტის თავმჯდომარემ ისაუბრა საქართველოს კონსტიტუციის მეორე თავზეც და აღნიშნა, რომ დადგინდა რიგი ძირითადი უფლებები, რაც ქართული კონსტიტუციონალიზმისთვის დიდი მიღწევაა. ირაკლი კობახიძის თქმით, საქართველოს საკონსტიტუციო სასამართლო ნოემბრიდან სწორედ ამ ახალი სტანდარტებით დაიწყებს მუშაობას.
„რაც შეეხება უშუალოდ მეორე თავს, დადგენილია ახალი სტანდარტები, მთელი რიგი ძირითადი უფლებებისთვის, უფრო ამაღლებულია სტანდარტები, დაცვის სტანდარტები მთელი რიგი ძირითადი უფლებებისათვის. ასევე, დადგენილია მთელი რიგი ახალი ძირითადი უფლებები, რაც არის ძალიან დიდი მიღწევა ჩვენი კონსტიტუციონალიზმისათვის და ჩვენ მოხარული ვართ, რომ ნოემბრიდან უკვე ამ ახალი სტანდარტებით დაიწყებს საკონსტიტუციო სასამართლო მუშაობას და უზრუნველყოფს კონსტიტუციით დადგენილი პრინციპების და ნორმების სათანადოდ დაცვას. ასევე, იგივე ეხება კონსტიტუციის სხვა თავებს, მათ შორის იმ თავებს, რომლებითაც არის მოწესრიგებული კომპეტენციები ხელისუფლების ორგანოთა შორის და უფრო მეტად არის სიცხადე შეტანილი ამ უფლებამოსილებებში, უფრო მკაფიოდ და სწორად არის მოწესრიგებული მთელი რიგი საკითხები, რომლებიც დაკავშირებულია მმართველობის სისტემასთან და ზუსტად ამ ყველაფრის საფუძველზე იმუშავებს საკონსტიტუციო სასამართლო და მას გაუადვილებს, რა თქმა უნდა, კონსტიტუციის ახალი რედაქცია მუშაობას. ჩვენ ძალიან ბევრი წინააღმდეგობა გადავლახეთ ამ გზაზე, იყო სერიოზული წინააღმდეგობა. დიდი საქმეები არ კეთდება დიდი წინააღმდეგობების გარეშე, თუმცა ჩვენ დავძლიეთ ეს წინააღმდეგობები და დღეს აქვს ქვეყანას ძალიან დახვეწილი კონსტიტუცია და ეს არის მნიშვნელოვანი იმისათვის, რომ სათანადოდ იყოს უზრუნველყოფილი ჩვენი კონსტიტუციური ორგანოების ფუნქციონირება. კიდევ ერთხელ, მინდა დიდი მადლობა გადაგიხადოთ ამ ღონისძიების ორგანიზებისათვის. არის ძალიან მნიშვნელოვანი ტრადიცია, როდესაც დებს ფიცს საკონსტიტუციო სასამართლოს მოსამართლე, ამ ცერემონიას ესწრებიან უმაღლესი თანამდებობის პირები და მნიშვნელოვანია, რომ ეს ტრადიცია გაგრძელდეს",- განაცხადა ირაკლი კობახიძემ.
პარლამენტის თავმჯდომარემ ევა გოცირიძეს საქართველოს საკონსტიტუციო სასამართლოს მოსამართლის თანამდებობის დაკავება კიდევ ერთხელ მიულოცა და აღნიშნა, რომ ეს თანამდებობა იურისტისთვის კარიერული მწვერვალია.
ფიცის დადების ცერემონიალზე მოწვეულებს სიტყვით მიმართეს საქართველოს საკონსტიტუციო სასამართლოს თავმჯდომარემ, ზაზა თავაძემ, საქართველოს უზენაესი სასამართლოს თავმჯდომარემ, ნინო გვენეტაძემ და ახლად განწესებულმა მოსამართლემ, ევა გოცირიძემ.
„საქართველოს საკონსტიტუციო სასამართლოს შესახებ" საქართველოს ორგანული კანონის მე-9 მუხლის მიხედვით, საკონსტიტუციო სასამართლოს წევრი თანამდებობის დაკავებამდე, ფიცს დებს საქართველოს პრეზიდენტის, საქართველოს პარლამენტის თავმჯდომარისა და უზენაესი სასამართლოს თავმჯდომარის თანდასწრებით.
ევა გოცირიძე საქართველოს საკონსტიტუციო სასამართლოს მოსამართლედ საქართველოს პარლამენტმა პლენარულ სხდომაზე, 2017 წლის 1 დეკემბერს, 90 ხმით აირჩია.
ცერემონიალს საქართველოს საკონსტიტუციო სასამართლოს მოსამართლეები, აჭარის ავტონომიური რესპუბლიკის მთავრობის თავმჯდომარე ზურაბ პატარაძე და აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე ესწრებოდნენ.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა