თაღლითები, „გასაიდუმლოებული“ ქმრები, დანგრეული ოჯახები - წლის სკანდალური ქართველი ვარსკვლავები
საქართველო, თბილისი - 19:00 | 29.12.2017 ნანახია: 42462017 წელი სრულდება. ეს წელი დასამახსოვრებელი იყო ქართულ შოუბიზნესში მომხდარი სხვადასხვა მოვლენებით და სკანდალებით. მოდით, 2018 წლის დადგომამდე, კიდევ ერთხელ გადავავლოთ თვალი წლის ყველაზე ხმაურიან სკანდალებს.
მოგეხსენებათ, ქართველი ცნობილი სახეები, ნებსით თუ უნებლიეთ, ხშირად ხდებიან ინტერნეტმომხმარებლის განსჯის საგანი. ამჯერად ია სუხიტაშვილის მოზრდილი მუცელი მოექცა ინტერნეტმომხმარებლის ყურადღების ცენტრში და უმალ გაჩნდა კითხვაც – ვისგან ელოდება ბავშვს ქართველი მსახიობი.
ია სუხიტაშვილის რჩეული მამაკაცის ვინაობა დღემდე უცნობია, რადგან მსახიობს არ უყვარს პირად ცხოვრებაზე საუბარი და შესაბამისად, მისმა მეუღლემაც სთხოვა, რომ ჟურნალისტებისგან თავი შორს დაეჭირა.
„ჩემი მეუღლე პროფესიით ინჟინერია. უყვარს ჩემი პროფესია, ძალიან კარგი მელომანია და მუსიკაში ერთ-ერთი გემოვნებიანი ადამიანი. თებერვლის დასაწყისიდან ოფიციალური ცოლ-ქმარი ვართ. ველოდებით შვილს ოქტომბრის დასაწყისიდან. დანარჩენ დეტალებს რაც შეეხება, ჩემს მეუღლეს არ უყვარს აფიშირება, ძალიან მთხოვა, რომ ჟურნალისტებთან ურთიერთობას მოვარიდო“, - განაცხადა ია სუხიტაშვილმა.
შეგახსენებთ, რომ ია სუხიტაშვილი ორჯერ უკვე იმყოფებოდა ქორწინებაში, მისი პირველი მეუღლე მსახიობი კახა ახვლედიანი, ხოლო მეორე ქმარი მიშა მესხი გახლდათ.
მომღერალი ეკა კვალიაშვილი თაღლითობის მსხვერპლი გახდა.
„ადამიანმა, რომელიც ჩემი ბავშვობის მეგობარი იყო, საბერძნეთში მიმიწვია, თუმცა, მასთან საქმიანი კუთხით შეხება არასდროს მქონია. ის ძალიან ბევრ რამეს დამპირდა, მათ შორის - საბავშვო სტუდიის გახსნას და ამ საქმეში ინტერესი მასაც უნდა ჰქონოდა, თუმცა ახლა ყველაფერს უარყოფს. ამბობს, თითქოს ჩემთან არანაირი მოლაპარაკება არ ჰქონია. აქ ყველაფერი გავყიდე და ისე, ყოველგვარი დაპირების გარეშე წავედი საბერძნეთში. ყველა თაღლითი ასე იქცევა, აქეთ გაბრალებს ყველაფერს. ბინა ნაგირავები მქონდა, რომელიც პატრონს კიდევ 5 წელი არ სჭირდებოდა, მაგრამ, რადგან წასვლა დავაპირე, სახლიდან ყველაფრის გაყიდვა დავიწყე. ამასობაში მამუკას რამდენჯერმე დავუკავშირდი და ვკითხე, ყველაფერს ვაბარებ, ვყიდი და მოლაპარაკება ხომ ძალაშია-მეთქი. ძალაშიაო, მიპასუხა. იმაზე მქონდა გათვლა, რომ იქ შემოსავალი მექნებოდა და ყველაფერს შევძლებდი. ჩავედი საბერძნეთში, მე და ჩემმა ერთმა კოლეგამ კონცერტი ჩავატარეთ. ამ დროს ძმამ დამირეკა და მითხრა, რომ დედაჩემი ძალიან ცუდად იყო, შეიძლებოდა ოპერაცია დასჭირვებოდა. დედა ისეთი ტექსტით მესაუბრა, ფაქტიურად დამემშვიდობა. მივხვდი, რომ ეს მასთან ბოლო საუბარი იყო. ოპერაციისთვის ფული სჭირდებოდათ. ის მცირედი თანხა, რაც საქართველოდან მქონდა წაღებული, მთლიანად თბილისში გამოვგზავნე. მეორე დილით დედაჩემი გარდაიცვალა. ველოდებოდი, ჩატარებული კონცერტიდან ჰონორარს მომიტანდნენ, რომ დედას დაკრძალვაზე ჩავსულიყავი. მიცვალებულ დედას „სკაიპის" საშუალებით გამოვემშვიდობე, რადგან ჩამოსასვლელი თანხა არ მქონდა. არც იმ კოლეგას და არც იმ ადამიანს არ მოუსამძიმრებიათ, არადა, თურმე „თავზე გადამყოლია", - აცხადებს მომღერალი.
მოსკოვში მოღვაწე ქართველი მომღერლის ქეთა თოფურიასა და რეპერ გუფის სკანდალი ზაფხულში დაიწყო...
ცნობილი წყვილი მოყვარული ჟურნალისტის ობიექტივში მოხვდა, რომელიც რამდენიმე დღის განმავლობაში უთვალთვალებდა ვილას, სადაც ქეთა და ალექსეი დოლმატოვი (სასცენო ფსევდონიმი გუფი) ცხოვრობდნენ. ჟურნალისტის მიერ მოპოვებულ კადრებში მომღერალი გუფის მკერდზე იწვა და ირუჯებოდა.
მოგვიანებით ქეთა ქმარს გაშორდა. იმის მიუხედავად, რომ ქეთა და რუსი რეპერი რომანს უარყოფდნენ, ისინი პერიოდულად თავად აძლევდნენ ხალხს ჭორაობის საბაბს. ცოტა ხნის წინ მათ ერთად ჩართეს ლაივი, რომელშიც თავიანთ ურთიერთობაზე იხუმრეს კიდეც... უცნობია, უღალატა თუ არა ქმარს მომღერალმა ან რა გახდა მათი დაშორების მიზეზი, მაგრამ როგორც ჩანს მომღერლისთვის 2017 წელი ძალიან სკანდალური აღმოჩნდა.
პაპარაცების ობიექტივში მოექცა ქართველი პიანისტი ხატია ბუნიათიშვილი ჰოლივუდის მსახიობთან ორლანდო ბლუმთან ერთად. ფოტოების მიხედვით, წყვილს ერთმანეთთან თბილი ურთიერთობა აქვს. ვარსკვლავები ხელიხელჩაკიდებულები ქუჩაში სეირნობდნენ. ადგილობრივი მედია წერდა, რომ პერიოდულად ხატია მსახიობს კისერზე ეფერებოდა და ეხუტებოდა. პაპარაცების დანახვისას ორლანდომ და ხატიამ სწრაფად გააჩერეს ტაქსი და დაუდგენელი მიმართულებით მიიმალნენ.
სექსუალური მოდელი თამო ვაშალომიძე მოულოდნელად მრგვალი მუცლით მოგვევლინა. მოდელი ფეხმძიმობის ამბავს მანამდე ასაიდუმლოებდა, სანამ მუცელი მკვეთრად დაეტყობოდა. ფეხმძიმე მოდელი კამერების წინაშე გაშიშვლდა, რაც არანაკლებ სკანდალური ნაბიჯი იყო.
„ჩემი საქმრო ხშირად ჩამოდის საქართველოში. ჩემმა ორსულობამ დააჩქარა ჩვენი ნიშნობაც. ვისაუბრეთ იმაზეც, რომ ბავშვი ამერიკაში დაბადებულიყო, მაგრამ ამერიკა ჯერ მაინც უცხო ქვეყანაა ჩემთვის, ამიტომ მირჩევნია ამ საპასუხისმგებლო მომენტში ჩემი ოჯახის გვერდით ვიყო“, - განაცხადა მოდელმა.
სატელევიზიო ომი და 2 ტელეკომპანიას შორის აგორებული სკანდალი... ცნობილია, რომ „რუსთავი 2“-ის სატელევიზიო პროექტების ყოფილმა ხელმძღვანელმა დემნა ჯაფარიძემ და გიორგი ხაბურზანიამ „იმედზე“ გადაინაცვლეს და მეგა-შოუ ,,ნიჭიერი" ტელე-იმედზე ვიხილეთ.
„ნიჭიერის“ ახალი სეზონის ჟიურის შემადგენლობაში გიორგი ბახუტაშვილი, რუსკა მაყაშვილი, მაკა ჩიჩუა და სტეფანე მღებრიშვილი არიან. „რუსთავი 2“-ის გენერალური დირექტორის განსაკუთრებული აღშფოთება იმ ფაქტმა გამოიწვია, რომ ჟიურის შემადგებლობაში სტეფანე მღებრიშვილიც იყო. გვარამიამ სტეფანეს მისამართით სოციალურ ქსელში პოსტი გამოაქვეყნა და მომღერალს არც მეტი არც ნაკლები „ნაგვიდან ამოღებული ტიპი“ უწოდა.
„ნაგვიდან ამოვიღეთ ტიპი, იმენა დავიწყებული და გადაგდებული იყო. ძალით დავსვი პირადად მე, სძაგდა ორივე პროდიუსერს. მეორეჯერ კიდე მეტი ძალისხმევა დამჭირდა. ცალკე კლიპები ვუტრიალეთ და კონცერტები ვურასკრუტკეთ. და ეს სად წამოსკუპებულა :))) სრულიად ურცხვი.Manana Doi Sofia Nizharadze Giorgi Gabunia ესეც თქვენი სტეფანე, ტვინი რო გამიბურღეთ, ცოდოა, შემოსავალი არა აქვს, ნიჭიერი და გემოვნებიანია და მსგავსი ყ.....ბით. აჰა, დატკბით“, - წერდა ნიკა გვარამია.
გიორგი საკარული, PrimeNewsGeorgia
პოლიტიკა
- კრიმინალები გვარამია და მელია უცხოეთიდან ჩარევის შედეგად არიან გარეთ, კინო წინ არის, ისინი იქნებიან იმ დავალების შემსრულებლები, რასაც ჰქვია ქვეყანაში სიტუაციის არევა - პაპუაშვილი
- გუშინ, შვიდკაციანი კოლონა რომ მოდიოდა, იქაც კი დაჩაგრეს ხაბეიშვილი, რა ვუშველო, არ ვიცი, არც იქანა უნდათ, არც აქანა მიიღეს, იქაც უკან მოჩანჩალებდა - ირაკლი ზარქუა
- ვერანაირი საპარლამენტო არჩევნები ვერ იქნება აღიარებული დემოკრატიულ არჩევნებად, თუ მიხეილ სააკაშვილი არ იქნება თავისუფალი და არ იქნება კამპანიაში ჩართული - პეტრე ცისკარიშვილი
- საქართველო მზად არის, დადებითი როლი შეასრულოს იმ პროცესებში, რომლებიც უკავშირდება ჩვენს რეგიონში მშვიდობისა და სტაბილურობის უზრუნველყოფას - ირაკლი კობახიძე
საზოგადოება
- საქართველოს ფოსტის ორგანიზებითა და თბილისის სახელმწიფო უნივერსიტეტის მხარდაჭერით, გაიმართა გამოფენა „ქართული განათლება, კულტურა და საფოსტო მარკები“
- თბილისის ერთ-ერთ სკოლაში წიწაკის სპრეი გაუშვეს, რამდენიმე მოსწავლე პრევენციის მიზნით კლინიკაში გადაიყვანეს
- ზრუნვის 1 საათი დედამიწას - „თეგეტა“ გარემოსდაცვით აქტივობას „დედამიწის საათს“ შეუერთდა
- 26 მარტიდან 27 მარტის დილამდე საქართველოში მოსალოდნელია წვიმა, მაღალმთაში ზოგან ძლიერი თოვა და ქარბუქი
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
- კიევზე სარაკეტო იერიში განხორციელდა
კონფლიქტები
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
- სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან არ შედის იმ ტიპის საკითხებში, რომლებზეც ჩვენ ვაკეთებთ კომენტარს - ლევან იოსელიანი პრეზიდენტის იმპიჩმენტზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა