ოთახში სანამ შემოვიდოდა, ვგრძნობდი მის იქ ყოფნას - ვის იხსენებს ხატია ბუნიათიშვილი
საქართველო, თბილისი - 18:04 | 23.10.2017 ნანახია: 2596მას ორკესტრი, ცალკეული ინსტრუმენტებით, გაუჟღერებლად ესმოდა, მუსიკით მთლიანად იყო გაჟღენთილი, - ასე იხსენებს პიანისტი ხატია ბუნიათიშვილი მის პედაგოგს, პიანისტ გიზი ამირეჯიბს და სოციალურ ქსელში პოსტს აქვეყნებს:
,,კონცერტზე გასვლის წინ მეუბნებოდა: ,,დაივიწყე ყველაფერი,რაც გასწავლე. მთელი სამყარი შენია, ისიამოვნე." სტადიონზე სიტყვით გამოსვლის შემდეგ, მის გარშემო განსხვავებული აზრის გამო, თვალებში ზიზღს და ზემოდან ყურებით ნიშნისმოგებას რომ ვხედავდი, გიზიმ გულში ჩამიკრა, თვალებიდან სიყვარულს აფრქვევდა. მისგან გაკიცხვა, განსხვავებული აზრის გამო მტრობა, სიყეყეჩე და მეწვრილმანეობა ძალიან შორს იყო.
გიზიმ მასწავლა როიალის ორკესტრივით მასშტაბურად და მრავალფეროვნად გაჟღერება. მას ორკესტრი, ცალკეული ინსტრუმენტებით, გაუჟღერებლად ესმოდა, მუსიკით მთლიანად იყო გაჟღენთილი. მისი მუსიკალური ფრაზები ისეთივე ბუნებრივი და გრძელი იყო, როგორც მისი გულწრფელი განუკითხაობა და დიდსულოვნება. ოთახში, სადაც გაკვეთილს გვიტარებდა, გაჩერებულ დროში, ქალაქის ხმაურიდან და შუქიდან შორს, დაგუბებულ სივრცეში და სიჩუმეში ჩვენს თვალწინ ბადებდა ბგერას, ფერებს ჩვენსავე ტვინში აზავებდა, დრამატურგიას ერთი ხელის მოსმით გვიხატავდა და მასწავლებელსა და შეგირდს შორის ზღვარის გაუვლელად, იბადებოდა ინტერპრეტაცია, ყოველგვარი გავლენის მცდელობის გარეშე. მისი წასვლით ეს რეალობა გაქრა და დარჩა წარმოდგენად. როგორც ადამიანი, ვგლოვობ ამ დანაკლისს. მტკივა, რომ კანტიკუნტად მოხეტიალე დამშეული ნორჩი სულები ამას ვერ მოესწრნენ. ასევე, როგორც ადამიანი, ჩემს ტვინს და შთაგონებას ვკვებავ ფანტაზიით, რომელიც დამიტოვა, როგორც გენიოსი ტოვებს შედევრს.
იმ ოთახში, ბნელში მშვიდად გამონათებული მისი სული, მაშინაც არის, როდესაც იქ არ არის. ასე იყო მის სიცოცხლეშივე. ოთახში სანამ შემოვიდოდა, ვგრძნობდი მის იქ ყოფნას, იმდენად, რომ მისი შემოსვლისას ძალიან არ მინდოდა მივსალმებოდით ერთმანეთს, მენანებოდა იდეალური ჰარმონიის დარღვევა. მაინც ვესალმებოდით, ზრდილობა არ გვაძლევდა ჰარმონიით ტკბობის უფლებას. ასე, ყოველი გაკვეთილისას ვეხებოდი სრულყოფილ სიმშვიდეს და მალევე ვემშვიდობებოდი მას. (ცხოვრების ყველაზე დიდი გაკვეთილი.)
ასეთი დიდი ადამიანი იყო გიზი. მასთან სიჩუმეში ჯდომაც კი გაგაგებინებდა იქამდე გაუგებელს. არიან ადამიანები, რომლებიც თავიანთი არსებიდან აფრქვევენ მუსიკას, სიბრძნეს, სიყვარულს. ამის არდანახვა ან შერყვნა მხოლოდ სულმდაბალ და მავნე ადამიანს შეიძლება მოუნდეს.
ბოროტება აბრმავებს'', - წერს ხატია ბუნიათიშვილი.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა