პრეზიდენტს არ უნდა უჭირდეს საკუთარი პოზიციების დაცვა ღია ეთერში - კობახიძე

საქართველო, თბილისი - 16:14 | 18.06.2017
ნანახია: 97

“პრეზიდენტი არ არის მოწოდებული, ხელი შეუწყოს კონსესუსის ჩამოყალიბებას და თავს არიდებს ისეთ ფორმატს, რომელიც საზოგადოებას სრულფასოვან წარმოდგენას შეუქმნიდა საკონსტიტუციო ცვლილებების შესახებ”, - ამის შესახებ საქართველოს პარლამენტის თავჯდომარემ, ირაკლი კობახიძემ მას შემდეგ განაცხადა, რაც პრეზიდენტმა საზოგადოებრივი მაუწყებლის შეთავაზებაზე,  მაუწყებლის ეთერში საკონსტიტუციო ცვლილებათა პროექტზე მსჯელობა გაემართათ უარი განაცხადა.

როგორც კობახიძე ამბობს, პრეზიდენტს, რომელიც საკონსტიტუციო რეფორმის მთავარი მოწინაადეგე იყო თვეების განმავლობაში, არ უნდა უჭირდეს საკუთარი პოზიციების დაცვა ღია ეთერში.

“საქართველო პარლამენტის თავმჯდომარის განცხადება სამწუხაროა, რომ პრეზიდენტმა უარი თქვა შეთავაზებაზე, პრეზიდენტსა და პარლამენტის თავმჯდომარეს ღია ეთერში საზოგადოების წინაშე ერთად ემსჯელათ საკონსტიტუციო ცვლილებების შესახებ. ეს ფაქტი კიდევ ერთხელ ცხადყოფს, რომ პრეზიდენტი არ არის მოწოდებული, ხელი შეუწყოს კონსესუსის ჩამოყალიბებას და თავს არიდებს ისეთ ფორმატს, რომელიც საზოგადოებას სრულფასოვან წარმოდგენას შეუქმნიდა საკონსტიტუციო ცვლილებების შესახებ. პრეზიდენტს, რომელიც საკონსტიტუციო რეფორმის მთავარი მოწინაადეგე იყო თვეების განმავლობაში, არ უნდა უჭირდეს საკუთარი პოზიციების დაცვა ღია ეთერში საზოგადოების წინაშე. ჩვენ კიდევ ერთხელ ვთავაზობთ გიორგი მარგველაშვილს, მისცეს საზოგადოებას საშუალება, პრეზიდენტისა და პარლამენტის პირველი პირისგან მოისმინოს არგუმენტები საკონსტიტუციო ცვლილებების შესახებ”, - განაცხადა ირაკლი კობახიძემ.




არქივი

მოგვძებნე Facebook-ზე