ევროპარლამენტის უსაფრთხოებისა და თავდაცვის ქვეკომიტეტის თავმჯდომარემ საქართველოს ოკუპირებულ რეგიონებთან დაკავშირებით განცხადება გაავრცელა
საქართველო, თბილისი - 15:22 | 06.04.2017 ნანახია: 1797ევროპარლამენტის უსაფრთხოებისა და თავდაცვის ქვეკომიტეტის (SEDE) თავმჯდომარე ანა ფოტიგა ავრცელებს განცხადებას, რომელშიც ის ღრმა შეშფოთებას გამოთქვამს ოკუპირებული აფხაზეთისა და ცხინვალის რეგიონებში ბოლო დროს განვითარებულ მოვლენებთან დაკავშირებით. კერძოდ, 12 მარტს ოკუპირებული აფხაზეთის რეგიონში ჩატარებული ე.წ. „საპარლამენტო არჩევნებისა“ და 9 აპრილს ცხინვალის რეგიონში დაგეგმილი ე.წ. „საპრეზიდენტო არჩევნების“ გამო, რომლებიც ორივე რეგიონში ეთნიკური წმენდის არაერთი ტალღისა და ადამიანის უფლებების დარღვევების ფონზე ტარდება. „მიუღებელია ორივე რეგიონში ძალისმიერი გზით შეცვლილი დემოგრაფიული ვითარების ლეგიტიმაციის ნებისმიერი მცდელობა“, - აღნიშნავს ანა ფოტიგა.
SEDE-ს თავმჯდომარე შეშფოთებას გამოხატავს 9 აპრილს ცხინვალის რეგიონში დაგეგმილ ე.წ. რეფერენდუმთან დაკავშირებით, რომელიც მიზნად ისახავს რეგიონის სახელის შეცვლას და ამ გადაწყვეტილებას აფასებს, როგორც უკანონო ანექსიისთვის საფუძვლის მომზადების მორიგ მცდელობას. იგი მოუწოდებს დემოკრატიულ სამყაროს, ადეკვატური შეფასება მისცეს საქართველოს სუვერენიტეტისა და ტერიტორიული მთლიანობის ხელყოფასა და ოკუპირებული რეგიონების რუსეთის ფედერაციასთან ეტაპობრივად მიერთების პროვოკაციულ მცდელობებს.
ანა ფოტიგა მკაცრად გმობს 2017 წლის 31 მარტს დადებულ ე.წ. შეთანხმებას ოკუპირებული ცხინვალის რეგიონის უკანონო სამხედრო დაჯგუფებების რუსეთის ფედერაციის შეიარაღებული ძალების შემადგენლობაში შესვლის თაობაზე. „ეს ნაბიჯი რუსეთის ფედერაციის მიერ აფხაზეთისა და ცხინვალის რეგიონების ანექსიის პოლიტიკის გაგრძელებაა, რომელიც რუსეთის მიერ სოხუმისა და ცხინვალის საოკუპაციო რეჟიმებთან მოკავშირეობისა და ინტეგრაციის/სტრატეგიული პარტნიორობის შესახებ ე.წ. ხელშეკრულების ხელმოწერით დაიწყო. საქართველოს ოკუპირებული ტერიტორიების რუსეთის ფედერაციის სამხედრო სისტემაში ინტეგრაციის ფონზე, მოსკოვი კვლავ უარს ამბობს ძალის არგამოყენებასა და 2008 წლის 12 აგვისტოს ცეცხლის შეწყვეტის შეთანხმების შესრულებაზე. ევროკავშირმა მკაფიოდ უნდა დააფიქსიროს, რომ მსგავსი პროვოკაციული ქმედებებით, რუსეთის ფედერაცია სერიოზულ ზიანს აყენებს ჟენევის საერთაშორისო მოლაპარაკებებს და მიზანმიმართულად აფერხებს ნებისმიერი პროგრესის მიღწევის შესაძლებლობას სამშვიდობო პროცესში“, - აღნიშნავს SEDE-ს თავმჯდომარე.
ანა ფოტიგა შეშფოთებას გამოხატავს ასევე აფხაზეთის რეგიონში საოკუპაციო ხაზის გასწვრივ ე.წ. გადასასვლელი პუნქტების დახურვის გამო, რაც, მისი თქმით, კიდევ უფრო ამძიმებს ადგილზე არსებულ ვითარებას. „ეს ზომები მიმართულია თავისუფალი გადაადგილებისა და ხალხთაშორისი კონტაქტების შემდგომი შეზღუდვისაკენ, რაც მნიშვნელოვან ფაქტორს წარმოადგენს კონფლიქტის შედეგად გაყოფილ საზოგადოებებს შორის ნდობის აღდგენის პროცესში“, - აცხადებს ევროპარლამენტარი.
განცხადებაში ხაზგასმულია, რომ ევროპარლამენტი ყურადღებით აკვირდება სიტუაციას ოკუპირებულ ტერიტორიებზე, რეგულარულად სტუმრობს საოკუპაციო ხაზს და იძულებით გადაადგილებულ პირთა ბანაკებს. აღნიშნულია, რომ უსაფრთხოებისა და თავდაცვის ქვეკომიტეტი მომავალშიც განაგრძობს აფხაზეთისა და ცხინვალის ოკუპირებულ რეგიონებში ვითარებაზე დაკვირვებას და შეფასებას.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა