რუსეთმა იეჰოვას მოწმეების საქმინობა შეაჩერა
საქართველო, თბილისი - 12:34 | 24.03.2017 ნანახია: 1896რუსეთმა რელიგიური ორგანიზაცია იეჰოვას მოწმეების საქმინობა შეაჩერა.
აღნიშნული ორგანიზაცია რუსეთის იუსტიციის სამინისტრომ იმ რელიგიური და საზოგადოებრივი ორგანიზაციების გაერთიანების სიაში შეიყვანა, რომლებიც ექსტრემისტულ საქმიანობას ეწევიან.
საბოლოო გადაწყვეტილებას 5 აპრილს რუსეთის უზენაესი სასამართლო მიიღებს.
ნიუ–იორკი — იეჰოვას მოწმეებმა რუსეთში შექმნილი ვითარების გამო მსოფლიო კამპანია წამოიწყეს — ისინი წერილობით მიმართავენ კრემლისა და რუსეთის უზენაესი სასამართლოს უფლებამოსილ პირებს, არ დაუშვან იეჰოვას მოწმეების რელიგიური საქმიანობის აკრძალვა რუსეთში. იეჰოვას მოწმეების ხელმძღვანელი საბჭო მთელ მსოფლიოში მცხოვრებ 8 000 000-ზე მეტ იეჰოვას მოწმეს მოუწოდებს, ჩაერთოს ამ კამპანიაში.
2017 წლის 15 მარტს რუსეთის იუსტიციის სამინისტრომ სარჩელი შეიტანა რუსეთის ფედერაციის უზენაეს სასამართლოში და მოითხოვა, რომ რუსეთში იეჰოვას მოწმეების ადმინისტრაციული ცენტრი ექსტრემისტულად გამოცხადდეს, მოხდეს მისი ლიკვიდაცია და აიკრძალოს ამ იურიდიული პირის საქმიანობა. თუ უზენაესი სასამართლო დააკმაყოფილებს იუსტიციის სამინისტროს სარჩელს, სანკტ-პეტერბურგთან ახლოს მდებარე იეჰოვას მოწმეების ფილიალი შეწყვეტს ფუნქციონირებას; მოხდება რუსეთში არსებული 400-მდე იურიდიული პირის ლიკვიდაცია და უკანონოდ ჩაითვლება იეჰოვას მოწმეების 2 300-ზე მეტი კრების საქმიანობა. ამასთანავე, სახელმწიფო საკუთრებაში გადავა როგორც ფილიალის შენობები, ისე ქვეყნის მასშტაბით არსებული სამეფო დარბაზები. უფრო მეტიც, რუსეთში მცხოვრები თითოეული იეჰოვას მოწმე რელიგიური მსახურების გამო სისხლის სამართლებრივი დევნის მსხვერპლი გახდება. უზენაესი სასამართლო იუსტიციის სამინისტროს სარჩელს 5 აპრილს განიხილავს.
იეჰოვას მოწმეების მსოფლიო მთავარი სამმართველოს წარმომადგენელი დეივიდ სიმონიანი აღნიშნავს: „იეჰოვას მოწმეების ხელმძღვანელ საბჭოს მთელი ყურადღება რუსეთში განვითარებული მოვლენებისკენ აქვს მიმართული. მშვიდობიანი და კანონმორჩილი მოქალაქეების ტერორისტებად შერაცხვა და გასამართლება სხვა არაფერია, თუ არა უფლებამოსილი პირების მხრიდან ანტიექსტრემისტული კანონის სათავისოდ გამოყენება. იეჰოვას მოწმეების სამართლებრივი დევნა მხოლოდ და მხოლოდ ყალბი სამხილების საფუძველზე ხორციელდება“.
ეს მსოფლიო კამპანია იეჰოვას მოწმეების ისტორიაში უპრეცედენტო შემთხვევა არ არის. რუსეთში მცხოვრები თანამორწმუნეების მხარდასაჭერად მსგავსი კამპანია იეჰოვას მოწმეებმა დაახლოებით 20 წლის წინაც მოაწყვეს — მათ წერილობით მიმართეს რუსეთის იმდროინდელი ხელისუფლების წარმომადგენლებს და მოითხოვეს, შეწყვეტილიყო იეჰოვას მოწმეების წინააღმდეგ მიმართული ცილისმწამებლური პროპაგანდა, რომელსაც მთავრობის ზოგიერთი წარმომადგენელი ეწეოდა. ამას გარდა, იეჰოვას მოწმეებმა ორგანიზება გაუწიეს მასშტაბურ კამპანიას და წერილობითი თხოვნით მიმართეს იორდანიის, კორეისა და მალავის მთავრობის წარმომადგენლებს, შეეწყვიტათ იეჰოვას მოწმეების დევნა.
„თანამორწმუნეებთან ერთად ბიბლიის კითხვა, ლოცვა და ღვთის განმადიდებელი სიმღერების მღერა ნამდვილად არ არის სისხლის სამართლის დანაშაული“, — დასძენს დეივიდ სიმონიანი. — „ვიმედოვნებთ, რომ ჩვენ მიერ წამოწყებული მსოფლიო კამპანია რუსეთის ხელისუფალთ აღძრავს, შეწყვიტონ ჩვენი თანამორწმუნეების წინააღმდეგ მიმართული უსამართლო ქმედებები“.
ინფორმაციას jw.org ავრცელებს
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა