ლევან იზორია: ასეთი წვრთნები გვაძლევს შესაძლებლობას, ჩვენი სტრატეგიული მისწრაფება მოვიყვანოთ სისრულეში
საქართველო, თბილისი - 14:33 | 17.11.2016 ნანახია: 1858"ნატო-საქართველოს სწავლება 2016” აქტიურ ფაზაში გადავიდა. სწავლების ფარგლებში საქართველოს შეიარაღებული ძალების წარმომადგენლები კრიზისის საპასუხო ოპერაციებს დაგეგმვისა და აღსრულებისთვის საჭირო უნარ-ჩვევებს ნატოს წევრი და პარტნიორი ქვეყნების წარმომადგენლებთან ერთად აუმჯობესებენ.
დღეს სწავლების მიმდინარეობის გასაცნობად “ნატო-საქართველოს წვრთნისა და შეფასების ერთობლივ ცენტრს” 130-ზე მეტი მაღალი დონის წარმომადგენლისგან შემდგარი დელეგაცია ეწვია. საქართველოს პრეზიდენტი გიორგი მარგველაშვილი, პრემიერ-მინისტრი გიორგი კვირიკაშვილი, თავდაცვის მინისტრი ლევან იზორია, ნატოს "მოკავშირეთა ტრანსფორმაციის სარდლობის” (ACT,) “ნატოს სახმელეთო ძალების სარდლობის” (Landcom), “ნატოს გაერთიანებული ძალების წვრთნის ცენტრის” (JFTC) და ნატოს ცენტრების წარმომადგენლებთან ერთად ეწვევნენ. სწავლების მიმდინარეობას საქართველოში აკრედიტებული ელჩები, საერთაშორისო ორგანიზაციების (“ევროკავშირი”, “წითელი ჯვრის საერთაშორისო კომიტეტი”) და სამხედრო საზოგადოების წარმომადგენლებიც დაესწრნენ.
სიმუალციური სცენარის მიხედვით ნატოს მრავალეროვნული ბრიგადის მიერ კრიზისზე რეაგირების გაცნობის შემდეგ, მედიის წარმომადგენლებისთვის პრესკონფერენცია გაიმართა.
საქართველოს თავდაცვის მინისტრმა ლევან იზორიამ სწავლების საქართველოში ჩატარების მნიშვნელობას გაუსვა ხაზი და აღნიშნა, რომ "ნატო-საქართველოს სწავლება 2016" რიგით მეორე საერთაშორისო წვრთნაა, რომელიც ნატო-საქართველოს არსებითი პაკეტის ფარგლებში საქართველოში ტარდება. "ამ წვრთნების წარმატებულად ჩატარება გვაძლევს იმის საფუძველს, რომ ის ტრადიციად იქცეს საქართველოში და მომავალშიც ასევე წარმატებულად ჩატარდეს. ასევე, ძალიან მნიშვნელოვანია და პირველად ხდება ნატოს ისტორიაში, რომ ეს წვრთნები აისახა პირველად ნატოს წვრთნების რეგულარულ ციკლში, რაც დამატებითი მოტივაციაა იმისთვის, რომ მას განგრძობითი ხასიათი ჰქონდეს. ჩვენი მთავარი მისწრაფებაა, რომ ჩვენი შეიარაღებული ძალები პასუხობდნენ ნატოს სტანდარტებს და შესაბამისად, სწორედ ასეთი წვრთნები გვაძლევს იმის შესაძლებლობას, რომ ეს სტრატეგიული მისწრაფება, რომ გავხდეთ ნატოს წევრი, მოვიყვანეთ სისრულეში სწორედ ჩვენი თავდაცვითი შესაძლებლობების გაძლიერებით და ამაღლებით. წვრთნების კომპონენტი, ერთ-ერთი მნიშვნელოვანია ამ თვალსაზრისით და ჩვენ ნატოსთან საერთო წვრთნების ჩატარების კუთხით მომავალშიც აქტიურად ვითანამშრომლებთ". ლევან იზორიამ ასევე განაცხადა, რომ შემდეგი წლები ნატო-საქართველოს წვრთნებისა და შეფასების ერთობლივი ცენტრის (JTEC) ინფრასტრუქტურის უფრო გაძლიერებაზე იქნება მიმართული, რათა ის სამაგალითო ცენტრი გახდეს რეგიონში.
ნატო-საქართველოს წრთნისა და შეფასების ერთობლივ ცენტრში (JTEC) 10-20 ნოემბრის ჩათვლით მიმდინარეობს და ნატო-საქართველოს ხანგრძლივ სამხედრო თანამშრომლობაში მორიგი წინგადადგმულ ნაბიჯს წარმოადგენს. სწავლებაში ქართველ ოფიცრებთან ერთად ალიანსის 11 წევრი და 2 პარტნიორი ქვეყნის 250 სამხედრო მოსამსახურე მონაწილეობს.
“ნატო-საქართველოს სწავლება 2016” სამეთაურო-საშტაბო სწავლებაა, რომელიც კომპიუტერული მხარდაჭერით ტარდება და ქართველი ოფიცრების ხელმძღვანელობით მოქმედ მრავალეროვნული ბრიგადის შტაბის წევრებს ფიქტიური სცენარზე დაყრდნობით, კრიზისის საპასუხო ოპერაციის დაგეგმვის, კოორდინირებისა და აღსრულებისთვის საჭირო უნარ-ჩვევების დახვეწაში ეხმარება.
სწავლების დაგეგმვის ოთხდღიანი და აღსრულების სამდღიანი პერიოდის განმავლობაში ქართველი ოფიცრების ხელმძღვანელობით მოქმედი მრავალეროვნული ბრიგადისა და საერთაშორისო შტაბის წევრები ნატოს დაგეგმვის პროცედურებს, სამხედრო გადაწყვეტილების მიღების პროცესებსა და ნატოს საკომუნიკაციო სისტემას გაეცნენ. სწავლების მთავარი მიზანია, გააძლიეროს ეფექტური ურთიერთქმედება ნატოს შტაბ-ბინასთან და განავითაროს მართვისა და კონტროლის შესაძლებლობები ნატოს სტრუქტურაში. სწავლება ასევე ხელს შეუწყობს კოორდინაციის გაძლიერებას არასამთავრობო ორგანიზაციებსა და საერთაშორისო ორგანიზაციებთან.
„ნატო-საქართველოს სწავლება 2016” საქართველოს თავდაცვით შესაძლებლობებს გააძლიერებს. სწავლება კიდევ ერთი დადასტურებაა ნატოს მუდმივი მზადყოფნის, გააძლიეროს ურთერთთავსებადობა და პარტნიორობა მოკავშირე და პარტნიორ ქვეყნებთან. სწავლება რიგით მეორე ნატო-საქართველოს სწავლება, რომელი საქართველოში ნატო-საქართველოს არსებითი პაკეტის ფარგლებში (SNGP) ტარდება. აღნიშნული სწავლება პირველია, რომელშიც საქართველოს შეიარაღებული ძალების გენერალური შტაბი კრიზისულ სიტუაციებში საპასუხო ოპერაციების მრავალეროვნულ სწავლებას ხელმძღვანელობს. „ნატო-საქართველოს სწავლება 2016” წარმოადგენს პირველ შემთხვევას, როდესაც ნატოს სწავლების დაგეგმვისა პროცედურები სრულიად არის დაცული და პირველ ნატო-საქართველოს სწავლებას, რომელიც ნატოს რეგულარული სწავლებების ციკლშია და მომავალშიც განხორციელდება.
„ნატო-საქართველოს სწავლება 2016” ნატოს „მოკავშირეთა ტრანსფორმაციის სარდლობის” (ACT), ნატოს სახმელეთო ძალების სარდლობის (LANDCOM), ნატოს გაერთიანებული ძალების წვრთნის ცენტრის (JFTC), პარტნიორი ქვეყნების წარმომადგენლებისა და საქართველოს შეიარაღებული ძალების მხარდაჭერითა და ორგანიზებით ნატო-საქართველოს წრთნისა და შეფასების ერთობლივ ცენტრში (JTEC) იმართება. 13 მოკავშირე და პარტნიორი ქვეყანა სწავლებაში სამხედრო ოფიცრებითაა ჩართული. სწავლებაში მონაწილეობენ: თურქეთის რესპუბლიკა, ლატვიის რესპუბლიკა, ლიტვის რესპუბლიკა, ნიდერლანდების სამეფო, რუმინეთი, უნგრეთი, ბულგარეთის რესპუბლიკა, ბელგიის სამეფო, სლოვენიის რესპუბლიკა, დიდი ბრიტანეთისა და ჩრდილოეთ ირლანდიის გაერთიანებული სამეფო, ამერიკის შეერთებული შტატები და პარტნიორი ქვეყნები: უკრაინა და ყოფილი იუგოსლავიის რესპუბლიკა მაკედონია.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა