დავით ბაქრაძე რუმინეთში შეხვედრებს მართავს
საქართველო, თბილისი - 10:56 | 22.10.2015 ნანახია: 168921 ოქტომბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ორმხრივი შეხვედრა გამართა რუმინეთის საგარეო საქმეთა მინისტრთან ბოგდან აურესკუსთან. შეხვედრა რუმინეთში, ქ. ბუქარესტში სამუშაო ვიზიტის ფარგლებში გაიმართა.
მხარეებმა საქართველოს ევროპული და ევროატლანტიკური ინტეგრაციის პროცესსა და პერსპექტივებზე იმსჯელეს. საუბარი შეეხო როგორც ასოცირების შეთანხმებისა და ევროკავშირთან სავიზო ლიბერალიზაციის სამოქმედო გეგმის შესრულების საკითხებს, ასევე, ნატო-ში ინტგრაციის კუთხით განხორციელებულ ღონისძიებებს, ჩრდილო-ატლანტიკური ალიანსის მომავალი სამიტისთვის მზადებასა და მოლოდინებს. ბოგდან აურესკუმ დაადასტურა რუმინეთის ხელისუფლების მხარიდან საქართველოს ევროპული და ევროატლანტიკური მიწრაფებების ურყევი და მტკიცე მხარდაჭერა და აღნიშნა, რომ საქართველო იმსახურებს დაფიქსირებული პროგრესის აღიარებას საერთაშორისო თანამეგობრობის მხრიდან. ბოგდან აურესკუმ განსაკუთრებით აღნიშნა საქართველოს მიერ შეტანილი წვლილი საერთაშორისო სამშვიდობო ოპერაციებში. „საგარეო საქმეთა მინისტრმა ხაზგასმით აღნიშნა, რომ საქართველო არის ქვეყანა, რომელიც იმსახურებს ნატო-ს წევრობას, ეს არის ქვეყანა, რომლისთვისაც კარი უნდა იყოს ღია“-აღნიშნა დავით ბაქრაძემ.
თავის მხრივ, სახელმწიფო მინისტრმა მადლობა გადაუხადა რუმინეთის ხელისუფლებას საქართველოს ტერიტორიული მთლიანობისა და სუვერენიტეტის ურყევი მხარდაჭერის, ასევე, ევროკავშირის დამკვირვებელთა მისიაში რუმინეთის მნიშვნელოვანი კონტრიბუციისთვის.
შეხვედრაზე, აგრეთვე, საუბარი შეეხო აღმოსავლეთ პარტნიორობის მონაწილე ქვეყნების წინაშე არსებულ გამოწვევებს. ყურადღება გამახვილდა ანტიდასავლური პროპაგანდის წინააღმდეგ სტრატეგიული კომუნიკაციის გაძლიერებისა და თანამშრომლობის გაღრმავების საკითხებზე.
დღესვე, სახელმწიფო მინისტრი რუმინეთის სენატის საგარეო პოლიტიკის კომისიის პრეზიდენტს პეტრუ ფილიპსა და სენატის სხვა წარმომადგენლებს შეხვდა. მხარეებმა საქართველო-რუმინეთს შორის ორმხრივი თანამშრომლობის გაღრმავების, ასევე, ერთობლივი პროექტების განხორციელების საკითხები განიხილეს. შეხვედრაზე რუმინეთის სენატის წარმომადგენლების მხრიდან აღინიშნა ასოცირების შეთანხმების განხორციელების კუთხით საქართველოს მიერ დაფიქსირებული პროგრესი და გამოითქვა მზაობა, სხვადასხვა სფეროში მიმდინარე რეფორმების მიმდინარეობის პროცესში ექსპერტული დახმარების თაობაზე.
ვიზიტის ფარგლებში, სახელმწიფო მინისტრმა სპეციალური სტუმრის სტატუსით მონაწილეობა მიიღო ვაჭრობისა და ინდუსტრიის პალატაში გამართული კონფერენციის მუშაობაში თემაზე: „ევროკავშირისა და ნატო-ს გაფართოება, გამოწვევები და შესაძლებლობები“(EU/NATO Enlargment, Challenges and Opportunities). კონფერენციის მუშაობაში, რომელიც წამყვანი რუმინული არასამთავრობო ორგანიზაციის- "დემოკრატიის განხორციელების ასოციაცია" და რუმინეთში საქართველოს საელჩოს ორგანიზებით გაიმართა, .ადგილობრივი არასამთავრობო ორგანიზაციების, მედიის, აკადემიური წრეებისა და ქ. ბუქარესტში აკრედიტებული დიპლომატიური კორპუსის წარმომადგენლები მონაწილეობდნენ. სახელმწიფო მინისტრმა სიტყვით მიმართა კონფერენციის მონაწილეებს. დავით ბაქრაძემ საქართველოს ევროკავშირსა და ნატოში ინტეგრაციის პროცესში არსებულ მიღწევებსა და გამოწვევებზე ისაუბრა. სახელმწიფო მინისტრმა ღონისძიების მონაწილეების შეკითხვებსაც უპასუხა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა