შს მინისტრის მოადგილე რეგიონული სტაბილურობის საკითხებზე საერთაშორისო ფორუმს დაესწრო

საქართველო, თბილისი - 10:26 | 06.10.2016
ნანახია: 1330

შს მინისტრის მოადგილე შალვა ხუციშვილი საერთაშორისო ფორუმს - „ბირთვული და რადიოლოგიური გამოწვევები შავი ზღვის რეგიონში: მიზეზები, შედეგები და საპასუხო ზომები“ დაესწრო და სიტყვა წარმოთქვა.
შალვა ხუციშვილმა ფორუმის მნიშვნელობაზე ისაუბრა და იმედი გამოთქვა, რომ აღნიშნული ღონისძიება ყოველ წელს გაიმართება.
ფორუმის მონაწილეებმა განიხილეს რეგიონში ეროვნული სახელმწიფოების კონტროლის მიღმა დარჩენილი ტერიტორიებიდან მომდინარე საფრთხეები და საერთაშორისო ბირთვულ უსაფრთხოებაზე მათი უარყოფითი ზეგავლენა. ღონისძიების მიზანი იყო პოტენციური საერთაშორისო, რეგიონული და ეროვნული მექანიზმების განსაზღვრა, რომელთა საშუალებითაც შესაძლებელი გახდება ბირთვული და რადიოლოგიური ტერორიზმის საფრთხის შემცირება.
ფორუმს ასევე დაესწრნენ დიპლომატიური კორპუსის, საერთაშორისო ორგანიზაციების და სხვადასხვა სახელმწიფო უწყებების ხელმძღვანელი პირები და წარმომადგენლები.
ღონისძიება შვედეთის რადიაციული უსაფრთხოების სააგენტოს, აშშ-ს სახელმწიფო დეპარტამენტის, ბრიტანეთის ენერგეტიკისა და კლიმატის ცვლილებების დეპარტამენტის, პოლონეთის საგარეო საქმეთა სამინისტროს, საქართველოს საგარეო საქმეთა სამინისტროს, საქართველოს სახელმწიფო უსაფრთხოების სამსახურის, საქართველოს შინაგან საქმეთა სამინისტროს და ბირთვული და რადიაციული უსაფრთხოების ეროვნული სააგენტოს მხარდაჭერით ჩატარდა.



პოლიტიკა



არქივი

მოგვძებნე Facebook-ზე