საბერძნეთში სამხედრო ვერტმფრენი ჩამოვარდა

საბერძნეთის სამხედრო ვერტმფრენი ”აპაჩი” ქვეყნის ჩრდილოეთ ნაწილში ჩამოვარდა. ბორტზე მყოფი ორივე პილოტი ავიაკატასტროფას გადაურჩა. ამის შესახებ ინფორმაციას ბერძნული სააგენტოები ავრცელებენ.

შემთხვევა გამთენიისას მოხდა. მფრინავები უვნებლები არიან და თავს კარგად გრძნობენ.

მედიის ცნობით, ვერტმფრენი ჰალკიდიკის ნახევარკუნძულზე ჩამოვარდა. მომხდარის მიზეზები ჯერჯერობით უცნობია.