ბრალდებულთა/მსჯავრდებულთა მიერ პენიტენციურ დაწესებულებებში დამზადებული ნივთების რეალიზაცია დაიწყო
საქართველო, თბილისი - 21:18 | 12.07.2016 ნანახია: 1273„პატიმრობის კოდექსში“ განხორციელებული ცვლილებების თანახმად, რომელიც უკვე ამოქმედდა, ბრალდებულთა/მსჯავრდებულთა მიერ პენიტენციურ დაწესებულებებში დამზადებული ნივთების რეალიზაცია დაიწყო. პროექტის პრეზენტაცია დღეს სასჯელაღსრულებისა და პრობაციის მინისტრმა კახა კახიშვილმა სასტუმრო „ჰუალინგ თბილისში“ გამართა. მან საზოგადოებას პროექტის მიზნები გააცნო და მის ფარგლებში შექმნილი ახალი ვებგვერდი - www.online.moc.gov.ge წარუდგინა. მინისტრის თქმით, მსჯავრდებულთა/ბრალდებულთა პენიტენციურ დაწესებულებებში დამზადებული ნივთებისა და ნაკეთობების შეძენა მსურველს პირდაპირ ვებგვერდიდან, ონლაინ შეეძლება.
კახა კახიშვილმა მსჯავრდებულთა რესოციალიზაცია-რეაბილიტაციის მნიშვნელობაზე და ამ მიმართულებით სასჯელაღსრულებისა და პრობაციის სამინისტროს მიერ დანერგილ უპრეცედენტო სიახლეზე ისაუბრა. ღონისძიებაზე, რომელსაც აღმასრულებელი და საკანონმდებლო ხელისუფლების წევრები, პირველი ლედი მაკა ჩიჩუა, დიპლომატიური კორპუსის, არასამთავრობო ორგანიზაციებისა და ბიზნესსექტორის წარმომადგენლები ესწრებოდნენ, მსჯავრდებულთა მიერ დამზადებული ნივთებისა და თავისუფლების შეზღუდვის დაწესებულებაში მოქმედ სოციალურ საწარმოში დამზადებული ავეჯისა და საყოფაცხოვრებო ნივთების გამოფენა-გაყიდვა გაიმართა.
„პირველად, საქართველოს ისტორიაში ონლაინ მაღაზია ამოქმედდა, რომელზეც სარეალიზაციოდ ბრალდებულების/მსჯავრდებულების მიერ დამზადებული ნივთები განთავსდა. ნივთის ფასს პატიმარი თავად განსაზღვრავს. დაინტერესებულ პირს საშუალება აქვს, სასურველი ნივთი ონლაინ შეიძინოს, თანხა კი, პირდაპირ ბრალდებულის/მსჯავრდებულის ანგარიშზე გადაირიცხება. აქამდე, ყველა აღნიშნავდა, რომ ციხეში ძალიან ლამაზი და იშვიათი ნამუშევრები კეთდება, თუმცა, მეორეს მხრივ, არ არსებობდა საშუალება პატიმრებს ნაკეთობების რეალიზაცია მოეხდინათ და გარკვეული შემოსავალი მიეღოთ, რაც სხვა მსჯავრდებულებისთვისაც სტიმული იქნებოდა. ამიტომ, პარლამენტში საკანონმდებლო ინიციატივით შევედით, რომელსაც მხარი დაუჭირეს. ყველაფერი უნდა გავაკეთოთ იმისთვის, რომ კრიმინალური სუბკულტურის მქონე მსჯავრდებულთა იზოლირება მოვახდინოთ, დანარჩენი მსჯავრდებულებისგან. პარალელურად ამისა, მნიშვნელოვანია დაბალი რისკის მქონე პატიმრებს სასჯელის მოხდის პროცესში, რესოციალიზაცია-რეაბილიტაციის ფარგლებში სხვადასხვა პროექტი შევთავაზოთ“, - განაცხადა მინისტრმა.
კახა კახიშვილის თქმით, ამ მიზნით, მსჯავრდებულებისთვის ფუნქციონირებს სხვადასხვა კურსი, მათ შორის ხეზე კვეთის, კულინარიის და ა.შ. მინისტრის განცხადებით, ეს მათ შესაძლებლობას აძლევს პროფესიას დაეუფლონ და სასჯელის მოხდის პერიოდში შემოსავალიც მიიღონ.
პროექტის მნიშვნელობაზე პირველმა ლედიმ მაკა ჩიჩუამაც ისაუბრა და აღნიშნა, რომ ახალი ინიციატივა პენიტენციურ დაწესებულებებში მყოფ პირებს ძალიან ეხმარება, როგორც მორალურად, ასევე, მატერიალურად.
„მათ აქვთ საკუთარი უნარის და ნიჭის რეალიზაციის შესაძლებლობა. შეუძლებელია ეს არ მოგეწონოს. არაჩვეულებრივი ნამუშევრები ვნახე. ვფიქრობ, ეს ინიციატივა კიდევ უფრო დაეხმარება მსჯავრდებულებს საკუთარი თავისა და ნიჭის აღმოჩენაში. ვგეგმავ, მივიდე ადგილზე და ვნახო დაწესებულებაში არსებული ხის საამქრო, გავეცნო მუშაობის პროცესს და ადამიანებს, რომლებიც იქ არიან. მინდა მათ გვერდით დავუდგე. ძალიან დიდი მადლობა ყველას, ვინც ამ პროექტში მიიღო მონაწილეობა და ვინც სისრულეში მოიყვანა“, - განაცხადა მაკა ჩიჩუამ.
გამოფენა-გაყიდვაზე წარმოდგენილი იყო ხის საამქროში წარმოებული საოჯახო და საოფისე ავეჯი, ეზოს ინვენტარი, ეკოლოგიურად სუფთა მასალისგან დამზადებული საბავშვო ნივთები და სათამაშოები, სუვენირები და ა.შ. ასევე, პატიმრების მიერ პენიტენციურ დაწესებულებებში დამზადებული თექის ნაწარმი, ფერწერული ნამუშევრები, საეკლესიო ნივთები, სამკაულები, ხეზე კვეთის ნიმუშები. ნამუშევრებმა სტუმრების მოწონება დაიმსახურა. წარმოდგენილი ნივთების უმეტესი ნაწილი ადგილზევე გაიყიდა. გარდა ამისა, თავისუფლების შეზღუდვის დაწესებულებაში მოქმედმა ხის საამქრომ, სადაც პრობაციონერები და თავისუფლებაშეზღუდული პირები არიან დასაქმებულნი, შეკვეთებიც მიიღო.
„პატიმრობის კოდექსში“ განხორციელებული ცვლილებების თანახმად, ბრალდებულს/მსჯავრდებულს უფლება აქვს პენიტენციური დაწესებულების დირექტორის ნებართვითა და კონტროლით ეწეოდეს ინდივიდუალურ საქმიანობას, ჰქონდეს ამისთვის საჭირო ინვენტარი და სასჯელაღსრულებისა და პრობაციის სამინისტროს ხელშეწყობით, დამზადებული ნივთის რეალიზაცია განახორციელოს. რეალიზაციის წესი სასჯელაღსრულებისა და პრობაციის მინისტრის ბრძანებით არის განსაზღვრული. ნივთები ელექტრონული რესურსით გაიყიდება. სპეციალურად შექმნილ ვებგვერდზე www.online.moc.gov.ge პენიტენციურ დაწესებულებებში მსჯავრდებულთა მიერ შექმნილი ნივთების, ასევე, თავისუფლების შეზღუდვის დაწესებულების ტერიტორიაზე მოქმედ ხის საამქროში დამზადებული პროდუქციის ვიზუალური მასალაა განთავსებული ფასის მითითებით. თითოეულ პროდუქციას თავისი უნიკალური კოდი აქვს. ამასთან, გასაყიდი ნივთები სამინისტროს ადმინისტრაციულ შენობაშიც გამოიფინება და მისი შესყიდვა ადგილზეც იქნება შესაძლებელი.
პოლიტიკა
- პუტინიზმი ცდილობს ბუდე დაიდოს თქვენს სახლში თქვენივე მთავრობის ინიციატივით, ქართველებო, გაუფრთხილდით თავისუფლებას - ბორის აკუნინი
- ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი, ახლაც დამარცხდება - ეკა ხერხეულიძე
- ერთ მუშტს მოიქნევთ, ათი მოგხვდებათ, ამ ლაჩრობას არავინ არავის შეარჩენს - დავით მათიკაშვილი
- არ ვიცი, ვისი დაკვეთა იყო, მაგრამ ფაქტია, იყო წინასწარ დაგეგმილი აქტი - შალვა პაპუაშვილი მამუკა მდინარაძეზე თავდასხმაზე
სამართალი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
- შსს-მ ნარკოდანაშაულისთვის 9 პირი დააკავა, მათ შორის 5 უცხო ქვეყნის მოქალაქეა
მსოფლიო
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
- მოსკოვის კლინიკიდან, სადაც „კროკუს სითი ჰოლზე“ ტერაქტის შედეგად დაშავებულები მკურნალობენ, აფეთქების საფრთხის გამო 900-ზე მეტი ადამიანის ევაკუაცია განხორციელდა
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- როგორ მოვამზადოთ ავტომობილი სეზონური ცვლილებისთვის - „თეგეტა მოტორსის“ რჩევები
- ელექტრომობილების გაყიდვები საქართველოში 37%-ით გაიზარდა - Tegeta Cars ბაზრის მთავარი მოთამაშეა
- 93%-ით გაზრდილი გაყიდვები და სამომავლო გეგმები – „ვოლვო ქარ კავკასია” 2024 წლის I კვარტალს აჯამებს
- სრულად ელექტრო Volvo EX30 პრესტიჟული ჯილდოს World Car Awards 2024-ის გამარჯვებულია
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა